Prof.Dr. Alimcan İNAYET

Uyghur xelqi 60 yildin beri Xitay kompartiyisini “toghra partiye”, “shereplik partiye”, “Uyghur xelqini azat qilghan partiye”, “Uyghur xelqighe ghemxorluq qilidighan partiye” dep bilip kelgen ve shuninggha ishinip kelgen idi. Biraq heqiqetning buning eksiche ikenliki yeqinqi yillarda ashkarlinishqa bashlidi. 10-növetlik memliketlik xelq qurultiyi daimi komitetining hey’et ezasi, memliketlik xelq qurultiyi qanun komitetining muavin mudiri, azadliq armiye bash arqa sep bölümining sabiq siyasi komisari Zhu Kunrenning “Shinjangdiki Bölgünchilik Mesilisi Toghrisidiki Yüzeki Muhakime” temiliq ibretlik maqalisi buning axirqi misalidur. Zhu Kunren maqalisida Xitay hakimiyitining Sherqiy Türkistan Uyghur xelqini qandaq asmilatsiye qilish, qandaq yoqitish heqqide plan ve taktikilarni otturigha qoyup Xitay komünistlirining heqiqi mahiyitini, ichki yüzini, kebih ve yaman niyitini ashkarlap qoyghan. Ziyalilirimiz ve xelqimiz bu maqalini choqum oqup chiqishi, Xitay komünistlirining chirayliq teshviqatining, tatliq shirin sözlirining arqisidiki rezil, hain plan ve niyitini bilip qoyushi kerek. Bu maqalini oqup chiqqandin keyin, yenila Xitay komünistlirige ishinidighan bolsa, bu milletning tügeshkini bolup hesaplinidu. Eger Uyghur milliti bashqa milletlerge oxshash, insangha oxshash yashaymen deydiken, Xitay komünistlirining, Xitay hakimiyitining insan qelipidin chiqqan bu zeherlik planlirigha qarshi top yekün qarshiliq körsitishi, Birleshken Döletler Teshkilatidin asmilatsiyige, nesil qurutushqa ve yoqulushqa qarshi chare tedbir elishini qattiq telep qilishi shert.